Burada sizin reklamınız ola bilər

Şahmat üzrə İddiaçılar Turniri yarımçıq dayandırılıb
26 Mart 2020 , 13:55

Şahmat üzrə İddiaçılar Turniri yarımçıq dayandırılıb


Rusiyanın Yekaterinburq şəhərində keçirilən şahmat üzrə İddiaçılar Turniri dayandırılıb.

 

Primetime.az APA-ya istinadla xəbər verir ki, buna koronavirus pandemiyasının yayılması səbəb olub.

 

FİDE turnirin I dövrəsindən sonra yarışı davam etdirməmək barədə qərar verib. Nəticələr saxlanılıb və II dövrə sonradan keçiriləcək. Lakin son 7 turun nə vaxt baş tutacağı bəlli deyil.

 

I dövrədən sonra yarışın lideri fransalı Maksim Vaşye-Laqrav və rusiyalı Yan Nepomnyaşidir. Onlar 7 turda 4,5 xal toplayıb. Rusiyalı Aleksandr Qrişuk, niderlandlı Aniş Qiri, çinli Van Hao və ABŞ təmsilçisi Fabano Karuana 3,5 xala malikdir. Rusiyalı Kiril Alekseyenko və çinli Din Lijen 2,5 xala malikdir. Turnirin qalibi dünya çempionu adı uğrunda matçda norveçli Maqnus Karlsenlə qarşılaşmalıdır.

 

Qeyd edək ki, Azərbaycan şahmatçısı Teymur Rəcəbov məhz koronavirus səbəbindən yarışa qatılmaqdan imtina edib. Onu Maksim Vaşye-Laqrav əvəzləyib.

Burada sizin reklamınız ola bilər

SİZƏ MARAQLI OLA BİLƏR