Azərbaycanlı mühacir Almaniyada özünü yandırdı

21:37

12 Sentyabr

lady gaga

Almaniyanın Hermefkeil şəhərində 34 yaşlı azərbaycanlı özünə qəsd edib.

 

Primetime.az Qafqazinfo-ya istinadən xəbər verir ki, bu barədə məlumatı Almaniyada yaşayan hüquq müdafiəçisi Əlövsət Əliyev yayıb.

 

Onun sözlərinə görə, 2017-ci ilin yanvar ayında Almaniyaya gedən Emin Bağırov sığınacaq üçün müraciət edib. 11 sentyabr 2019-cu il saat 17 radələrində vətənə qayıtmaq haqqında xəbərdarlıq məktubu ilə sosialın binasına girib, mübahisədən sonra isə üzərinə benzin tökməklə özünü yandırıb.

 

Ağır yanğından koma vəziyyətinə düşüb və hadisə yerinə gələn helikopterlə xəstəxanaya aparılıb. İlkin məlumata görə, Bağırov Emin Sumqayıtda anadan olub. Evlidir, iki uşağı var. Uşaqları Sumqayıtda yaşayır.

 

Hələ də komadan ayılmayan Eminin vəziyyəti ağır olaraq qalır. Sabah onu əməliyyat edəcəklər.

 

Faktla bağlı cinayət işi başlanılıb və araşdırma aparılır.

Sizə maraqlı ola bilər