AzTV-də daha bir dəyişiklik – Rusiya və Ukraynadan mütəxəssislər dəvət edildi

21:50

18 Mart

lady gaga

Azərbaycan Televiziyasının (AzTV) nəzdində fəaliyyət göstərən Teleradio Akademiyası bir sıra yeniliklərə start verib.

 

Primetime.az “Report”a istinadən xəbər verir ki, teleakademiya 2010-cu ildə yaradılsa da, indiyədək sırf televiziya kursları səviyyəsində fəaliyyət göstərib. Ancaq yeni rəhbərliyin dövründə, yəni ilin əvvəlindən etibarən AzTV-də gedən müsbət dəyişikliklər artıq bura da sirayət edib. Müasir dövrün tələblərinə cavab verə bilən, yeni təfəkkürlü, ideoloji baxımdan mütərəqqi peşəkarlar hazırlamaq gücünə malik bir akademiyanın yaradılması günün tələbi kimi hədəflənib.

 

Bu gün tədris prosesinə cəlb edilən yerli mütəxəssislər böyük təcrübəyə malik, Azərbaycan televiziya məkanında öz imzaları ilə tanınan jurnalistlər, rejissorlar və operatorlardır. İndiyədək keçirilən ustad dərslərinə Rusiya və Ukraynadan mütəxəssislər də dəvət edilib. Belə təcrübə peşə hazırlığı yanaşmasında effektivdir. Hazırda Türkiyədən də müəllimlərin dəvət olunması ilə bağlı danışıqlar aparılır. Artıq müsabiqə də elan edilib və əhatəli məlumat verilib. Elanlar AzTV-nin internet səhifəsində, sosial şəbəkələrdə artıq yerləşdirilib, eyni zamanda telekanallarda da yayımlanacaq.

Sizə maraqlı ola bilər