Bu müəllimlər yeni dərs ilindən müddətsiz müqavilə ilə işləyəcək

18:43

12 İyun

lady gaga

Təhsil Nazirliyi tərəfindən keçirilən müəllimlərin işə qəbulu və yerdəyişməsi müsabiqəsinə Bakı Şəhər Təhsil İdarəsi tərəfindən 2018-2019-cu dərs ili üçün 1350 vakansiya təqdim olunub.

 

BŞTİ-dən Primetime.az-a daxil olan məlumata görə, 790 nəfər daimi əsaslarla işə qəbul olunub.

 

Bundan başqa, ümumi təhsil müəssisələrində müddətsiz müqavilə ilə işləyən müəllimlərin iş yerinin dəyişdirilməsi prosesi nəticəsində 265 müəllim iş yerini dəyişib.

 

Müəllimlərin işə qəbulu müsabiqəsinin müddətli müqavilə ilə işə qəbul üzrə elektron yerləşdirmə prosesi nəticəsində 1210 namizəd müddətli müqavilə ilə işə qəbul üçün göndərilib.

 

269 nəfər müəllimin iş yeri daimiləşib. Onların 2019-2020-ci dərs ilindən etibarən müddətsiz əmək müqaviləsi ilə işə qəbuluna razılıq verilib.

 

995 müəllimlə isə müddətli müqavilə bağlanıb. Onlardan 492 nəfəri əvvəlki illərdə, 503 nəfəri isə cari tədris ili ərzində çalışmanın yaş həddinə çatmış şəxslər olub.

Sizə maraqlı ola bilər