Plastik əməliyyat etdirən xanımların NƏZƏRİNƏ! – DİQQƏTLİ OLUN

11:50

13 İyun

lady gaga

Son illər bütün dəb sistemi, plastik, estetik əməliyyatların xanımları bir-birinə oxşatmağa planlaşdırıldığı düşünülür. Silikon dodaqlar, əməliyyatlı burunlar, saç forması, uzun dırnaqlar, tünd dəri və s. tipli özəlliklər onların oxşarlığına səbəb olur.

 

Bu özəllik əvvəllər tanınmış şəxslərə aid olsa da, indi sadə vətəndaşlar arasında da estetik əməliyyatlar gündəmdə olduğu üçün onlara da siraət edib. Bu gün dünyada, eləcə də ölkəmizdə estetik-plastik cərrahiyyəyə müraciət edənlərin sayında kəskin artım var. İnsanlar xarici görünüşlərində olan və onları narahat edən qüsurlardan, ən əsası komplekslərdən qurtulmaq üçün plastik cərrahiyyəyə üz tuturlar.  Xüsusilə xanımlar arasında hazırda gözəllik deyil, daha çox seksuallıq ön plana çəkilir. Ən azı əksəriyyət bu düşüncədədir.

 

Mövzu ilə bağlı Azərbaycan Plastik Cərrahlar Assosiasiyasının sədri, Beynəlxalq Plastik Cərrahiyyə Assossiasiyasının həqiqi üzvü, cərrah-həkim Vaqif Qələndərli Primetime.az-a açıqlama verib. O, ölkədə estetik əməliyyat etdirən qadınların bir-birinə oxşamadığını düşünür:

 

“Çünki hər kəsin öz üz quruluşu, ölçüləri var. Və ona uyğun əməliyyatlar həyata keçirilir. Hər kəs bir-birinə oxşamır. Həkimlər də əslində hər kəsin parametrlərinə uyğun əməliyyat icra etməlidirlər. Məsələn, qadın ola bilər ki, simasına, özünə yaraşmayan forma istəsin. Profesional mütəxəssis həmin şəxsə başa salmalı və üzünə uyğun əməliyyat etməlidir”.

 

V.Qələndərli azərbaycanlı xanımların digərlərindən fərqləndirən xüsusiyyətlərindən də söz açıb:

 

“Aydındır ki, Azərbaycan xanımları özlərinə daha çox diqqət yetirir, kifayət qədər baxımlıdırlar. Adi bir Avropa ölkəsinin xanımları ilə müqayisədə bizimkilər qədər baxımlı olanlar yoxdur. Regional, həmçinin genetik olaraq insanlarda bu cür yatqınlıq var. Əlbəttə, regionlara görə Qafqaz bölgəsində yaşayan insanların üz, bədən quruluşu fərqlidir. Sifətin, burnun quruluşundan tutmuş bədəndəki piy toxumalarına qədər.. Baxırsınız ki, “Fast food”dan istifadə edən ölkələrdə piylənmə bölgələri təbii qidalara üstünlük verənlərdən başqadır. Qeyd etdiyim kimi regionların da təsir payı çoxdur”.

 

Günay Rəsulqızı

Sizə maraqlı ola bilər