Burada sizin reklamınız ola bilər

Azərbaycan cüdoçuları müsəlmanları təbrik etdilər
07 May 2020 , 22:58

Azərbaycan cüdoçuları müsəlmanları təbrik etdilər - VİDEO


Azərbaycan cüdosunun tanınmış simaları müsəlmanların mübarək Ramazan ayı münasibətilə fikirlərini səsləndiriblər.

 

Primetime.az xəbər verir ki, Azərbaycan Cüdo Federasiyasının mətbuat xidməti tərəfindən hazırlanan videoçarxda olimpiya çempionları, dünya və Avropa çempionları, mötəbər yarışların qalibləri yer alıblar.

 

Bu cüdoçular arasında olimpiya çempionları Nazim Hüseynov, Elnur Məmmədli, dünya çempionu, millinin məşqçisi Elxan Məmmədov, Rio Olimpiadasının gümüş medalçıları - Rüstəm Orucov, Elmar Qasımov, Avropa çempionu Hidayət Heydərov, dünya və Avropa birinciliklərinin mükafatçıları - Nicat Şıxəlizadə, Orxan Səfərov, Məmmədəli Mehdiyev, milli komandanın üzvləri - Kəramət Hüseynov, Leyla Əliyeva, Aişə Qurbanlı, Gültac Məmmədəliyeva, Aytac Qardaşxanlı, Səbinə Əliyeva, qadınlardan ibarət milli komandanın baş məşqçisi Rəşad Məmmədov və Paralimpiya Yay Oyunlarının ikiqat qalibi İlham Zəkiyev bir-birlərinin ardınca təbrik mesajları yayımlayıblar. Cüdoçularımız Azərbaycan xalqına sağlıq, hüzur və xoşbəxtlik içərisində bir Ramazan ayı keçirmələrini diləyiblər.

Burada sizin reklamınız ola bilər

SİZƏ MARAQLI OLA BİLƏR