Burada sizin reklamınız ola bilər

Narkotik ticarəti ilə məşğul olan qohumlar saxlanıldı
30 May 2020 , 10:23

Narkotik ticarəti ilə məşğul olan qohumlar saxlanıldı


Cəlilabad Rayon Polis Şöbəsinin (RPŞ) əməkdaşlarının keçirdikləri növbəti əməliyyat tədbirləri nəticəsində 6 kiloqramdan artıq narkotik vasitələr aşkarlanaraq qanunsuz dövriyyədən çıxarılıb.

 

DİN Mətbuat Xidmətinin Lənkəran regional qrupundan Primetime.az-a verilən məlumata görə, Cəlilabad RPŞ-nin əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Yevlax rayon sakinləri, əvvəllər məhkum olunmuş Elşad Hüseynli və qohumu Samir İsgəndərov “Range Rover” markalı avtomobildə Cəlilabad rayonu ərazisində saxlanılaraq polis şöbəsinə gətiriliblər.

 

Həmin avtomobilə keçirilən baxış zamanı 4 ədəd sellafon torbada ümumi çəkisi 4 kiloqram 190 qram narkotik vasitə heroin və 2 kiloqramdan artıq tiryək aşkarlanaraq götürülüb.

 

Saxlanılan şəxslərin həmin narkotik vasitəni şəxsiyyəti istintaqa məlum olmayan İran İslam Respublikası vətəndaşından qaçaqmalçılıq yolu əldə etdikləri və Cəlilabad rayonu ərazisində əvvəlcədən gizlədilmiş yerdən götürdükləri müəyyən edilib

 

Faktla bağlı Cəlilabad Rayon Polis Şöbəsində araşdırma aparılır.

Burada sizin reklamınız ola bilər

SİZƏ MARAQLI OLA BİLƏR