Burada sizin reklamınız ola bilər

AFFA Premyer Liqanın 4 klubuna maliyyə yardımı ayırıb
30 İyul 2020 , 15:54

AFFA Premyer Liqanın 4 klubuna maliyyə yardımı ayırıb


Bu gün AFFA-nın İcraiyyə Komitəsinin fövqəladə iclası keçirilib.

 

Primetime.az-ın məlumatına görə, yığıncaq videokonfrans formatında baş tutub.

 

Aparılmış müzakirələrdən sonra aşağıdakı qərarlar qəbul olunub:

 

1. “Qəbələ” və “Zirə” klublarının müraciətinə əsasən, Azərbaycan Premyer Liqasının 2020/2021-ci il mövsümündə iştirakla əlaqədar AFFA tərəfindən “Qəbələ” klubuna 1.500.000 (bir milyon beş yüz min), “Zirə” klubuna isə 500.000 (beş yüz min) AZN maliyyə yardımı göstərilsin.

2. İclasın gedişində irəli sürülən təklif əsasında Azərbaycan Premyer Liqasının 2020/2021-ci il mövsümündə iştirakla əlaqədar “Sumqayıt” klubuna 300.000 min (üz yüz min), “Səbail” klubuna isə 200.000 (iki yüz min) AZN maliyyə yardımı göstərilsin.

3. Maliyyə yardımı ayrılmış bütün klublar uşaq futbolu ilə bağlı layihələrini davam etdirməklə bağlı öhdəliyi qəbul etsin.

4. AFFA qeyd olunmuş klublara ayrılan maliyyə vəsaitinin audit yoxlamasının aparılması səlahiyyətini özündə saxlayır.

5. AFFA qeyd olunmuş klublara ayrılan maliyyə vəsaitinin sərf olunacağı prioritet istiqamətin uşaq və gənclər futbolu olmasını, həmçinin məvaciblərin süni şəkildə artırılmaması şərtilə əsas komandaların heyətində gənclərdən ibarət milli komandalara potensial namizədlərə yer verilməsini tövsiyə edir.

6. AFFA tərəfindən ötən mövsümlərdə Birinci Divizionda iştirakla bağlı maliyyə yardımı göstərilən klublara eyni qaydada növbəti mövsüm üçün də maliyyə yardımı təmin olunsun.

Burada sizin reklamınız ola bilər

SİZƏ MARAQLI OLA BİLƏR