Burada sizin reklamınız ola bilər


09 İyun 2021 , 13:12

"Məni döyüb, əllərinə qurban olum atamın" - Əməkdar artist


Əməkdar Artist Zakir Əliyev "Üzə-düz"' verilişində qonaq olub.

 

Primetime.az xəbər verir ki, xanəndə mərhum atasından danışıb. Sənətçi atasının onu dəfələrlə döydüyünü qeyd edib:

 

"Atam o qədər ciddi adam idi ki, bir dəfə onunla süfrədə rahat oturub, çörək yeyib, söhbət etməmişəm. Ondan çox çəkinirdik. O, qapıdan içəri girəndə qapıdan hərəmiz bir tərəfə qaçırdıq ki, birdən bizi buyruğa göndərər. Zəhmli insan idi. Həm də çox dəcəl uşaq olmuşam. Məni döyüb, əllərinə qurban olum atamın. Yaxşı ki, döyüb, ipə-sapa yatmırdım. Atamın məni səhnədə görməməyi məni həmişə yandırır. O, mənim oxumağımı görsəydi, onun ömrü uzanardı. Kaş bilərdim, məndən, həyatımdan, yaşayışımdan görəsən razıdırmı?"

 

Anasından danışan Z.Əliyev onun 2010-cu ildə dünyasını dəyişdiyini bildirib:

 

"Anama çox bağlı olmuşam, bu gün də bağlıyam. Deyir, insan sadəcə dünyasını dəyişir. Heç kim ölmür həyatda. İnsanın ruhu sağdı həmişə. Mən həmişə valideynlərimin ruhu ilə danışır, dualar oxuyuram. Anam 2010-cu ilin sonunda dünyasını dəyişib. Bizimçün çox çətin oldu. Ümumiyyətlə, heç bir övlad valideyn itkisi ilə barışmır. O insanlara deyirəm ki, valideynləriniz nə qədər sağdır qoruyun, onların xeyir-duasını alın. Gecə saat 3-də ürəyim istəyəndə, kəndə anamın ziyarətinə gedirdim. Onun ətrini içimə çəkirdim. İndi hər şey var, amma o ətir yoxdur. Anam vəfat edəndə onu dəfn edib evə gələndə qardaşıma dedim ki, aparıb qoyub, gəldik. Boş idi hər yer. Ona görə deyirəm ki, sağlığında dəyər verin, ataya, anaya. Anamdan sonra stress keçirtdim, bu gün də yoxluğu ilə barışmıram".

Burada sizin reklamınız ola bilər

SİZƏ MARAQLI OLA BİLƏR