Burada sizin reklamınız ola bilər

“Tələbənin borcu var, gətirib ödəsin”
08 Yanvar 2022 , 15:59

“Tələbənin borcu var, gətirib ödəsin” - ADMİU-nun kafedra müdiri


Azərbaycan Dövlət Mədəniyyət və İncəsənət Universitetində təhsil haqqının qalanını ödəməyən tələbələrin adlarının kağıza yazılaraq divardan asılmasına sözügedən müəssisənin professoru, Əməkdar artist Gülşad Baxşıyeva münasibət bildirib.

 

Primetime.az xəbər verir ki, bu barədə o, Kulis.az-a açıqlaması zamanı danışıb. Sənətçi deyib ki, məsələni böyütməyə ehtiyac yoxdur:

 

“Heç bir şey olmayıb. Tələbənin borcu var, gətirsin ödəsin. Mən xəstələnmişdim, təzyiqim qalxmışdı. Bir də gördüm bütün kanallar zəng edirlər ki, Gülşad xanım bu mövzuda fikir bildirin. Mən də dedim ki, vəziyyətim yaxşı deyil, ölürəm bir dənə tabutum çatışmır. Daha sonra danışaram. Onlar da götürüb mənim dilimdən yazdılar. Xəbəri görəndə bütün dost-tanış, qohum əqrəba şok keçirdik. Ona görə də mən sizə heç nə danışmaq istəmirəm.

 

Bunu böyütməyə ehtiyac yoxdur. Heç bir şey olmayıb. Tələbənin borcu var, gətirsin ödəsin. Qurtardı, getdi. Bu universitet daxilində baş verən şeydir. Açığı mən iki gündür işə çıxıram. Bu söhbətlərdən xəbərim yoxdur. Mən görməmişəm belə bir şey. Sizin fikirlərinizə əsasən deyirəm.

 

Burda nə var ki? Tələbə ödənişini ödəməlidir. Bir ay möhlət verərsən, iki ay verərsən, üç ay verərsən, lap bir il. Mən sizə sual verirəm. Belə şey olar ki, tələbə ödənişini ödəməsin? Neynəməlidir? Valideyninə də deyirik, kursun rəhbərinə də deyirik. Gətirib ödəmirlər Sərt şəkildə bizə qarşı çıxırlar ki, “ödəyərəm də!” Belə yanaşma düzgün deyil. Vaxtında pulunu ödəsəydilər, belə şeylər də olmazdı. Vəssalam”.

SİZƏ MARAQLI OLA BİLƏR