Burada sizin reklamınız ola bilər

18 il əvvəl törədilmiş cinayətin üstü açıldı
14 Aprel 2022 , 11:11

18 il əvvəl törədilmiş cinayətin üstü açıldı


Azərbaycanda 18 il əvvəl törədilmiş cinayətin üstü açılıb.

 

Primetime.az xəbər verir ki, Daxili İşlər Nazirliyi və Baş Prokurorluq bu barədə birgə məlumat yayıb. Məlumatda deyilir: 

 

"18 il əvvəl - 2004-cü il aprelin 26-da 1947-ci il təvəllüdlü Rəhilə Cəlilovanın və nəvəsi 1989-cu il təvəllüdlü Aygün Əzizovanın üzərlərində çoxsaylı bıçaq xəsarətləri olan meyitlərinin paytaxtın Yasamal rayonu ərazisində yaşadıqları mənzildə aşkar edilməsi faktı ilə əlaqədar Cinayət Məcəlləsinin 120.2.7-ci maddəsi (120.2.7. iki və ya daha çox şəxsi öldürmə)  ilə cinayət işi başlanılmışdır.

 

Həyata keçirilmiş əməliyyat-axtarış tədbirləri və istintaq hərəkətləri nəticəsində Bakı şəhər sakini, Cinayət Məcəlləsinin 234.1-ci maddəsi ilə məhkum olunmuş, hazırda Ədliyyə Nazirliyinin Penitensiar Xidmətinin İxtisaslaşdırılmış Müalicə Mərkəzində müalicə alan Anar Ağalarovun həmin cinayəti törətməsinə əsaslı şübhələr yaranmışdır. 

 

İlkin dindirmə zamanı A.Ağalarov hadisəni xalası oğlu mərhum Teymur Məmmədovla birlikdə törətdiyini etiraf etmişdir. 
Hazırda cinayət işi üzrə zəruri əməliyyat-istintaq tədbirləri davam etdirilir".

SİZƏ MARAQLI OLA BİLƏR