Burada sizin reklamınız ola bilər

Göyçayda iftarda kütləvi zəhərlənmə
19 Aprel 2022 , 11:00

Göyçayda iftarda kütləvi zəhərlənmə


Ötən gün Göyçay rayonunda kütləvi zəhərlənmə qeydə alınıb. Hadisənin restoranlardan birində keçirilən iftar süfrəsi zamanı baş verdiyi ehtimal edilir. 

 

Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, 10 nəfərin qida zəhərlənməsi diaqnozu ilə xəstəxanaya müraciət etməsi ilə bağlı polis şöbəsinə məlumat daxil olub. Faktla bağlı toplanmış ilkin materiallar araşdırmanın davam etdirilməsi üçün rayon prokurorluğuna göndərilib.

 

Hadisə ilə bağlı Qida Təhlükəsizliyi Agentliyindən bildirilib ki, kütləvi zəhərlənmə hadisəsinin səbəbləri, həmçinin qida zəhərlənməsi olub-olmaması ilə bağlı Qida Təhlükəsizliyi Agentliyinin (AQTA) mütəxəssisləri tərəfindən araşdırmalara başlanılıb. Araşdırmaların nəticələri ilə bağlı ictimaiyyətə ətraflı məlumat veriləcək.

SİZƏ MARAQLI OLA BİLƏR