Burada sizin reklamınız ola bilər

Strongmen idmançılarımızdan ikisi qızıl medal qazandı
08 May 2022 , 13:16

Strongmen idmançılarımızdan ikisi qızıl medal qazandı - FOTO


5-6 may tarixlərində Azərbaycan Respublikasının Gənclər və İdman Nazirliyinin, Azərbaycan Strongmen Federasiyasının dəstəyi ilə Gürcüstanda keçirilən Beynəlxalq Gran-pri turnirinə yollanan üç Strongmen idmançımızdan ikisi yarışın qalibi olaraq qızıl medal qazanıb.

 

Primetime.az xəbər verir ki, bir idmançımız isə beşinci yerdə qərarlaşıb.

 

Şəxsi çəkisi 80 kiloqram olan idmançılar arasında Fövqəladə Hallar Nazirliyinin əməkdaşı Dünya və Avropa çempionu, Azərbaycan Respublikasının və Beynəlxalq Dərəcəli idman ustası olan Rövşən Xəlilov bütün rəqiblərindən güclü olduğunu sübut edib.

 

 

 

Şəxsi çəkisi 105 kiloqram olan idmançılar arasında isə Aydın Hümbətov qızıl medala sahib olaraq çempion adını qazanıb.

 

 

Digər təmsilçimiz Nicat Hüseynov isə şəxsi çəkisi 105 kiloqrama qədər olan 14 rəqib idmançı arasında beşinci yerdə qərarlaşıb.

 

Qeyd edək ki yarışda Azərbaycan,Gürcüstan, Almaniya, Estoniya, Latviya, İran, İsrail dövlətlərindən 50-dən çox idmançı iştirak edib.

 

Strongmen Federasiyasının Prezidenti Bəxtiyar Quliyev qeyd edib ki, idmançılarımızı qarşıda daha mötəbər yarışlar gözləyir: “İdmançılarımıza gələcək yarışlarda uğurlar arzu edirik”.

 

SİZƏ MARAQLI OLA BİLƏR