Burada sizin reklamınız ola bilər

Uşaqların döyüldüyü sığınacağın sahibi tanınmış blogerin anası imiş
03 İyun 2022 , 12:41

Uşaqların döyüldüyü sığınacağın sahibi tanınmış blogerin anası imiş


Bakıda uşaqlara aylarla əzab verilən sığınacağın rəhbərinin kimliyi ilə bağlı yeni məlumatlar üzə çıxıb.

 

Primetime.az “qafqazinfo”ya istinadən xəbər verir ki, “Sevgi evi” Qadın və Uşaq sığınacağının sahibi Könül Qasımovadır. O, Ağdam Rayon İcra Hakimiyyəti başçısının sabiq birinci müavini Zülfü Qasımovun qızıdır. Zülfü Qasımov Ağdam YAP təşkilatının keçmiş Aparat rəhbəri olub.

 

Sığınacağın rəhbəri Könül Qasımova eyni zamanda, sosial şəbəkələrdə bloqer kimi tanınan, daha çox bloqer Aysel Şükürova ilə birgə videolar çəkən Raul İsgəndərlinin anasıdır.

 

Qeyd edək ki, sığınacaqda 2022-ci ilin fevral ayının sonundan may ayının əvvəlinə qədər saxlanılmış C.M-nın (şərti) sığınacaqda qaldığı müddətdə müxtəlif psixi və fiziki zorakılığa məruz qaldığı, həmçinin onun sığınacaqdakı digər azyaşlılara da psixi və fiziki zorakılıq göstərilməsinə şahid olduğu müəyyən edilib. O cümlədən sığınacaqda saxlanılan digər iki nəfər azyaşlının bədəni üzərində orada saxlandıqları tarixlərə yetirilməyə uyğun gələn xəsarət izləri aşkar edilib.

 

Fakta görə cinayət işi başlanıb.

 

Könül Qasımova atası Zülü Qasımov

 

 


SİZƏ MARAQLI OLA BİLƏR