Burada sizin reklamınız ola bilər

AzTU-da yeni kafedra və institut yaradılıb
14 İyul 2022 , 12:32

AzTU-da yeni kafedra və institut yaradılıb


Azərbaycan Texniki Universitetində (AzTU) yeni kafedra və institut yaradılıb.

 

AzTU-dan Primetima.az-a verilən məlumata görə, bu barədə qərar Elmi şuranın 2021/2022-ci tədris ili üzrə keçirilən sonuncu iclasında qəbul edilib.

 

İclasda yay imtahan sessiyasının nəticələri və tədris ilində universitetin fəaliyyəti barədə məlumat verilib. Həmçinin növbəti semestr üçün perspektiv inkişafla bağlı müzakirələr aparılıb və müvafiq qərarlar qəbul edilib.

 

İclasda dövlətin kibertəhlükəsizlik və informasiya təhlükəsizliyi üzrə prioritetləri nəzərə alınaraq AzTU-nun İKT yönümlü kafedralarının strukturunun təkmilləşdirilməsi və yeni Kibertəhlükəsizlik kafedrasının yaradılması qərara alınıb.

 

AzTU-da xarici dil hazırlığının təşkili və xarici dil biliklərinin müasir standartlara uyğun tədrisinə yardım məqsədilə Xarici Dil Texnologiyaları İnstitutunun yaradılmasına qərar verilib.

SİZƏ MARAQLI OLA BİLƏR