Burada sizin reklamınız ola bilər

Bakıda qadın sevgilisini intim “WhatApp” mesajları ilə şantaj etdi – Ondan görün nə istədi
17 İyun 2019 , 21:05

Bakıda qadın sevgilisini intim “WhatApp” mesajları ilə şantaj etdi – Ondan görün nə istədi


Paytaxt sakinindən hədə-qorxu yolu ilə pul tələb edilib.

 

Primetime.az xəbər verir ki, hüquq-mühafizə orqanlarından Oxu.az-a verilən məlumata görə, hadisə Səbail rayonunda qadın kişini şantaj edib.

 

44 yaşlı paytaxt sakini X.M. şikayət ərizəsi ilə Səbail rayon Polis İdarəsinə müraciət edib. Ərizəyə görə, keçmiş sevgilisi intim “WhatApp” yazışmalarını həyat yoldaşına göstərəcəyi ilə hədələyib. Susması müqabilində ondan beş min manat pul və kondisioner tələb edib.

 

“Nakam sevgi qurbanı” isə keçmiş məşuqəsinin bütün tələblərini yerinə yetirib, ancaq sonra peşman olaraq polisə müraciət etməyi qərara alıb.

 

Oxşar hadisə Qaradağ rayonunda qeydə alınıb.

 

Rayon Polis İdarəsindən Oxu.Az-a verilən məlumata əsasən, 32 yaşlı Ş.A. polisə şikayət edərək 31 yaşlı keçmiş sevgilisi M.Həmidovun ona intim şəkillərini yaymaqla hədə-qorxu gəldiyini və müxtəlif vaxtlarda həmin şəkilləri yaymamaq üçün ondan pul tələb etdiyini bildirib.

 

Tələb olunan məbləğin ödənilməyəcəyi təqdirdə, “şəkilləri sosial şəbəkəyə yerləşdirib onu biabır etməklə” hədələyib.

 

Cinayətkarın bu yolla qurbanından ümumilikdə dörd min manat aldığı bildirilir. Rayon Polis İdarəsinin əməkdaşları operativ tədbirlər nəticəsində şübhəli şəxsi saxlayıb.

 

Hər iki fakt üzrə istintaq işi gedir.

Burada sizin reklamınız ola bilər

SİZƏ MARAQLI OLA BİLƏR