Burada sizin reklamınız ola bilər

Ötən ay 291 hərbi sursat tapılıb
01 İyun 2019 , 16:41

Ötən ay 291 hərbi sursat tapılıb


2019-cu ilin May ayı ərzində Agentlik tərəfindən Ağdam, Ağstafa, Cəbrayıl, Füzuli, Goranboy, Xocavənd, Qazax, Tərtər, Yevlax rayonları, Bakı, Gəncə, Sumqayıt, Şirvan və Lənkəran şəhərləri ərazisində 551,987 m² (55.20 ha) ərazi yoxlanılmış, 291 ədəd partlamamış hərbi sursat (PHS), 1 ədəd piyada əleyhinə mina və 6 ədəd tank əleyhinə mina (cəmi: 298 ədəd) aşkar edilərək zərərsizləşdirilib.

 

Bu barədə Primetime.az-a Ərazilərinin Minalardan Təmizlənməsi üzrə Milli Agentliyindən məlumat verilib. Qeyd edilib ki, əməliyyatlarda 472 nəfər əməliyyat heyəti, 128 nəfər inzibati heyət, 6 mexaniki minatəmizləmə maşını və 38 minaaxtaran it iştirak edir.

 

İndiyədək cəmi 534,451,206 m² (53,445.12 ha) ərazi təmizlənmiş, 803,597 ədəd mina və partlamamış hərbi sursat (PHS) tapılaraq zərərsizləşdirilib.

 

May ayı ərzində Azərbaycan Respublikası Fövqəladə Hallar Nazirliyinin (FHN) Böhran Vəziyyətlərində İdarəetmə mərkəzindən – 3 (üç), Azərbaycan Respublikası Daxili İşlər Nazirliyinin (DİN) ″102″ Xidməti-Zəng mərkəzi sistemindən – 10 (on), Dövlət Sərhəd Xidmətindən (DSX) – 2 (iki), Rayon Polis Şöbələrindən – 2 (iki), Səfərbərlik və Hərbi Xidmətə Çağırış üzrə Dövlət Xidmətindən (SHXÇDX) – 1 (bir) müraciət daxil olmuşdur (cəmi:18 çağırış) Müraciətlər əsasında 15 operativ və təxirəsalınmaz əməliyyat çıxışı olmuşdur ki, nəticədə Ağdam, Ağstafa, Goranboy, Xocavənd, Qazax, Tərtər, Yevlax rayonları, Bakı, Gəncə, Sumqayıt, Şirvan, Yevlax və Lənkəran şəhərləri ərazisində 3,980 kv.m ərazi yoxlanılmış, 110 ədəd partlamamış hərbi sursat (PHS), 1 ədəd piyada əleyhinə mina, 6 ədəd tank əleyhinə mina (cəmi: 117 ədəd) və 6,491 ədəd müxtəlif çaplı patronlar aşkar edilərək yerli əhalinin təhlükəsizliyinin təmin edilməsi məqsədi ilə Agentliyin Mərkəzi Məhvetmə ərazisinə daşınaraq zərərsizləşdirilib.

SİZƏ MARAQLI OLA BİLƏR